Que che ofrece a formación para o emprego

 

destacados_1

Fórmate ao longo da túa vida profesional e mellora a túa empregabilidade

A formación e a aprendizaxe permanente melloran o teu nivel de cualificación e aumentan as túas posibilidades de manter o emprego ou de acceder a un novo, reforzando o teu currículo profesional ante calquera proceso de selección da empresa privada e das administracións públicas.

O Servizo Público de Emprego Estatal ou os Servizos de Emprego da túa Comunidade Autónoma poden axudarte a:

  • Definir o teu propio itinerario formativo e concretar que cursos debes realizar para obter a cualificación profesional que desexas.
  • Obter un Certificado de profesionalidade, que acredite que tes a cualificación profesional necesaria para desenvolver unha actividade laboral.
  • Acreditar a túa capacitación profesional mediante o Recoñecemento das competencias profesionais adquiridas, a través da túa experiencia laboral e/ou da formación non formal.

    • Como traballador podes acceder a toda a oferta formativa do teu sector de actividade e ás accións transversais afíns a todos os sectores. Encontra o curso gratuíto que mellor se adapte a ti no buscador de cursos. Nel encontrarás tamén os certificados de profesionalidade que che permiten obter unha acreditación de carácter oficial, válida en todo o territorio nacional, aumentando así as túas posibilidades de promoción e recualificación.

      Ademais, se queres formarte, podes conciliar traballo e estudos e dedicar parte da túa xornada laboral a realizar calquera formación recoñecida por unha acreditación oficial. A túa empresa poderá obter bonificación polo custo salarial das horas que te ausentes (ata 200 horas laborables por ano natural ou curso lectivo) para que te poidas desenvolver profesional e persoalmente. Infórmate sobre os Permisos Individuais de Formación .

    • Se es desempregado podes formarte nas accións formativas de calquera sector produtivo. Encontra as que máis se adecúen aos teus intereses no buscador de cursos , e recorda que todos os cursos ofrecidos no buscador son gratuítos. Se queres obter unha titulación de carácter oficial válida en todo o territorio nacional e mellorar así a túa empregabilidade, podes utilizar o buscador para encontrar un certificado de profesionalidade.

      Ademais, pola túa situación de desempregado se accedes a un curso do buscador podes obter unha Bolsa e/ou axuda, para que a formación non che supoña unha carga económica. En función da túa situación, lugar de celebración e horario do curso, estas axudas poden ser para desprazamento, manutención, aloxamento, conciliación familiar, ou bolsas para traballadores minusválidos.

      Se es menor de 30 anos e non estás a traballar, infórmate e inscríbete no programa de garantía xuvenil, que ten como obxectivo facilitar o acceso dos mozos ao mercado de traballo.

      Se tes algunha dúbida podes contar coa axuda dos Servizos de Emprego das Comunidades Autónomas que poden orientarte á hora de confeccionar un itinerario formativo. Recorda, a formación diferénciate.

    • Existe unha oferta formativa deseñada especificamente para os traballadores autónomos e da economía social. Encontra a formación gratuíta que mellor se adapte ás túas necesidades e intereses no buscador de cursos .

      Ademais, se tes traballadores asalariados ao teu cargo podes formalos e obter a bonificación do custo que supoña a devandita formación. Dispós dun crédito mínimo de 420 € para formalos a través da formación bonificada. Infórmate.