Avaliación
Co triplo compromiso de mellora continua, transparencia e rendemento de contas que debe acompañar a execución de calquera política pública, a Fundación pon a disposición do público en xeral, os principais resultados das últimas avaliacións que realiza de forma periódica e sistemática sobre as iniciativas do Sistema de Formación Profesional para o Emprego que xestiona no seu ámbito de actuación. Así mesmo, informaremos sobre noticias, reunións, seminarios ou formación específica que se desenvolve no ámbito da avaliación da formación e do subsistema de formación para o emprego.
Noticias
- Publicouse o Informe de Avaliación da calidade das accións formativas na formación programada polas empresas dos exercicios 2016 e 2017. Este documento recolle os resultados da análise dunha mostra dos cuestionarios que cumpren os participantes ao rematar a realización dunha acción formativa.
O cuestionario de avaliación de calidade das accións formativas para o emprego, regulado pola Resolución do 27 de abril de 2009, do Servizo Público de Emprego Estatal, é un instrumento de grande utilidade para comprobar a satisfacción dos traballadores coa formación programada polas súas empresas. - Publicado o resumo executivo do informe final do Plan Anual de Avaliación da Calidade, Impacto, Eficacia e Eficiencia do Sistema de Formación Profesional para o Emprego,
tras ser aprobado polo Consello Xeral do Sistema Nacional de Emprego (CGSNE), que se realiza baixo o marco normativo establecido na Lei 30/2015, do 9 de setembro, no seu artigo 21.1, no que se indica que “o Servizo Público
de Emprego Estatal, coa participación dos órganos ou entidades competentes das comunidades autónomas e das organizacións empresariais e sindicais máis representativas,” elaborará o devandito
plan dirixido á mellora do funcionamento do sistema de formación para o emprego. Nesta edición contouse coa colaboración da Universidade Europea de Madrid.
Se desexa consultar os informes de anos anteriores pode facelo a través desta ligazón - Xa está publicado o Informe da avaliación de eficacia, eficiencia e calidade da iniciativa de Formación programada polas empresas (exercicios 2015 e 2016) enmarcadas na Lei 30/2015, do 9 de setembro.
