Ebaluazioa
Edozein politika publiko gauzatzeak dakartzan hiru konpromisoak —etengabe hobetzea, gardentasuna eta kontuak ematea— betetze aldera, Enplegurako Lanbide Heziketako Sistemak bere jarduketa-esparruan kudeatzen dituen ekimenei buruzko azken ebaluazioen emaitza nagusiak argitaratu ditu Fundazioak. Aldizka eta sistematikoki egiten ditu Fundazioak ebaluazio horiek. Halaber, prestakuntzaren ebaluazioari eta enplegurako prestakuntzaren azpisistemari buruzko berrien, bileren, mintegien edo trebakuntzaren berri emango dugu.
Berriak
- Badago argitaratuta 2016 eta 2017ko ekitaldietan enpresek programatutako prestakuntza-ekintzen kalitatea ebaluatzeko txostena.
Prestakuntza-ekintza amaitutakoan parte-hartzaileek betetzen dituzten galdeketen lagin bat aztertzearen emaitzak biltzen ditu agiri honek.
Enplegurako prestakuntza-ekintzen kalitatea ebaluatzeko galdeketa, 2009ko apirilaren 27ko Ebazpenak —Estatuko Enplegu Zerbitzu Publikoarena— arautua, oso tresna baliagarria da langileak enpresek programatutako prestakuntzarekin pozik dauden egiaztatzeko. - Badago argitaratuta Enplegurako Lanbide Heziketako Sistemaren kalitatea, eragina, eraginkortasuna eta efizientzia ebaluatzeko urteko planaren azken txostenaren egikaritze-laburpena, Enplegu Sistema Nazionalaren Kontseilu Nagusiak (CGSNE) onetsi ondoren. Irailaren 9ko 30/2015 Legearen araudi-esparruaren arabera gauzatu da plana, 21.1 artikuluan ezarritakoari jarraikiz: “Estatuko
Enplegu Zerbitzu Publikoak, autonomia-erkidegoetako organo edo erakunde eskudunekin batera eta ordezkaritza handieneko enpresa- eta sindikatu-erakundeen parte-hartzearekin” enplegurako prestakuntzaren sistema hobeto funtzionatzeko
plana egingo du. Madrilgo Europar Unibertsitateak hartu du parte argitalpen honetan.
Aurreko urteetako txostenak kontsultatu nahi izanez gero, jo esteka honetara - Badago argitaratuta 2015 eta 2016ko ekitaldietan enpresek programatutako prestakuntza-ekimenaren eraginkortasuna, efizientzia eta kalitatea ebaluatzeko txostena, irailaren 9ko 30/2015 Legeari jarraikiz.
