Erregistroa

Eskabideak, idatziak eta jakinarazpenak hartu eta igortzea

Bizkorrago aritzeko, komeni da Izapideak ataleko agiri normalizatuak erabiltzea, idatziaren gaia aipatuta.

Kopiak baliozkotzea/konpultsatzea (diru-laguntzen onuradunak)

Baliozkotu beharreko agiriak: zigilatu behar diren kostuen frogagiriak; kanpo geratzen dira, hortaz, lansariak, kontabilitate-agiriak, autolikidazio-orriak edo barne-kostuko beste edozein euskarri.

Kopiak eta originalak eman beharko dira, kasuan kasuko deialdiaren diru-laguntza justifikatzeko instrukzioan adierazitako zigilu-markaren arabera zigilatu ondoren. Bestela, zigilatutako originalak eman beharko dira beren kopiekin, zenbatuta eta zerrendarekin batera. Erregistroak gordailuaren frogagiria emango du, originalak jasotzeko ekarri beharrekoak.

Gogoratu notarioaren aurrean egin daitekeela konpultsa, eta kontzeptu horrek eragindako gastuak kendu ahal izango dira laguntza justifikatzean.

Alferrik itxaron behar ez izateko, adierazitako telefonoan hitzordua hartzea gomendatzen dizugu. Hitzordurik gabe joanez gero, iritsiera-ordenaren arabera emango da arreta, zerbitzuak horretarako aukera ematen badu.